ردود افعال كتير جت بعد الدرس الاول اهمها اللي طلب البداية من بدري شوية و الآخر اللي انتقد الطريقة بتاعت القص اللي كانت في الدرس
بخصوص طريقة القص فتقريبا كل حاجة في الفوتوشوب ليها اكتر من طريقة تتعمل بيها
و معتقدش ان حد يقدر يقول دي الصح و دي الغلط .... كل واحد ممكن يستخدم الطريقة اللي تعجبه و اللي يشوف انها الافضل ليه
طريقة القلم هي الانعم و الافضل و الاكثر احترافية من وجهة نظر اغلبية جمهور الفوتوشوب على حد علمي
Lasso لكن طريقة اداة الـ
او الاستيكة و اللي في الواقع احيانا لابد منها كلها طرق حية ترزق و اكيد هنأتي على ذكرها في المستقبل

كده نبدأ الدرس و اللي بيتعرض لاهم اساسيات الفوتوشوب تقريبا و هي الطبقات ....... تقريبا الحاجة اللي بتفرق الفوتوشوب عن برنامج الرسام

File >> New الاول كده نفتح ملف جديد من



و نعمل الخيارات دي و عايز هنا اوضح ان الريزوليوشن ( الدقة ) اللي اخترناها هنا 72 هي دي الدقة المستخدمة في الجرافكس على النت عادة و الاختيار التاني الاكثر تكررا هو 300 و ده بيتعمل عادة للحصول على جودة اكبر بس مشكلة المساحة بتخلي الناس تبعد عن انهم يستخدموه في الجرافكس في الانترنت
Transparent كمان الاختيار اللي تحت
و اللي كما يتضح من اسه بيخلي الكانفاس باديء شفاف و ده بيظهر بالمربعات الرصاصي في ابيض اللي هتظهر في الكانفاس لما يتعمل ( ممكن تغير المربعات دي لالوان تانية من الاوبشنز بس دي قصة تانية ) هنختاره عشان نكون بادئين على نضيف



ندخل بقى الكانفاس


المنظر ده واضح فيه الملف الكانفاس المفتوح و نافذة الطبقات اللي على اليمين تحت و واضح فيها طبقة واحدة بس و فاضية

اول حاجة هنرسم دايرة في الطبقة دي لونها احمر كالآتي
نختار اداة التحديد الدائرية دي

ايه يا جدع انت الاشتغالات دي ؟ الاداة دي مش عندي
هيكون موجود مكانها غالبا اداة التحديد المربعة خليك دايس عليها كانك بتختارها و هيطلعلك قائمة فيها اربع ادوات ...... الاداة الدائرية هي التانية


و نرسم الدايرة زي الصورة دي باننا ندوس و نسحب بالماوس

و بعدين نختار الاداة رقم 1 في الصورة الجاية و بعدين نغير اللون من لوحة الالوان اللي هتطلع لما نختار ندوس على المربع رقم 2 اللي لونه احمر في الصورة بس غالبا هيكون لونه مختلف عندكم و دي فرصة اقولكم ان اللون اللي فوق ده اسمه لون الواجهة و اللي تحت ده اسمه لون الخلفية و هنحتاجهم لما نعمل تدرج او في بعض الفلاتر و ان شاء الله قريب هنتكلم عنهم

هنيجي باداة جردل الالوان و هندوس على اي حتة جوه التحديد المدوراللي عملناه و هتطلع الدائرة الحمرا و بعدها ندوس من القوائم
عشان نلغي التحديد Select >> Deselect
و النتيجة دي



دلوقتي عايزين نعمل طبقة تانية و الافضل تكون مختلفة المرة دي
نخليها طبقة تكست او نص
هنختارها و هنعمل بيها مربع زي ما عملنا الدائرة باداة التحديد من شوية T في قائمة الادوات اداة شكل حرف
و ممكن نغير الخط من فوق مكان رقم 14 بنوعة و حجمه زي ما في اي برنامج وورد Photoshop و نكتب جواها كلمة


بعد كده هنلاحظ ان اسم الطبقة بقى على اسم الكلام جواها اوتوماتيك و هنلاحظ كمان ان الطبقة دي غير الطبقة اللي التانية لان رمزها على شكل حرف تي
في الواقع طبقات التكست مختلفة كتير عن اختها العادية لان تعديلها محدود جدا لكن احنا ممكن بسهولة نحولها لطبقة عادية بس دي قصة تانية لاحظ الصورة


اعتقد ان الوقت ملائم دلوقتي نشرح نافذة الطقبات دي ايه ظروفها


رقم 1 ده اللي بيمسح اي طبقة او مجموعة طبقات ( تقدر تختار مجموعة طبقات بانك تفضل دايس كنترول على الكيبورد و انت بتختارهم )زي الايقونات و انت بتتصفح الهارد
رقم 2 ده بيعمل طبقة جديدة
رقم 3 ده بيعمل مجموعة جديدة ..... سنأتي على ذكرها لاحقا
رقم 4 و 5 دول بيعملوا طبقات الوان و طبقات ماسك على الترتيب ..... انا معرفش ليهم استخدام مميزين ليه بصراحة لو حد يعرف يكتب في الكومنتات عشان احطه
رقم 6 ده اللي بيعمل الستايل و دي التأثيرات اللي من طمنها الظل و الاشعاع و دي من اهم الاماكن في فوتوشوب و مع كل درس هنكتشف حاجات جديدة فيهم ان شاء الله
رقم 7 بيربط طبقتين مع بعض بحيث يتحركوا و يتعملهم تحويل مع بعض
رقم 8 ده نظام الدمج و ده برضه مهم زي الستايل و ان كان اقل استخداما
رقم 9 دي ايقونة الظهور و دي لو دست عليها العين دي هتختفي و تختفي معاها الطبقة

نكمل بقى الدرس و نرجع للي كنا بنعمله

دلوقتي روح امسح طبقة الكتابة
من الطريقة الموجودة في الصورة اللي فوق
او انك تعمل ضغطة بيمين الماوس على اسم الطبقة و تختار ديليت

و بعدين اعمل طبقة جديدة و برضه الطريقة في الصورة اللي فوق

المرة دي عايزين نعمل في الطبقة دي مستطيل
هنختار اداة التحديد المستطيلة وبنفس الطريقة اللي اخترنا بيها اختها المدورة
و نحاول نعمل شكل زي الصورة دي



بعدها نملأ التحديد ده باللون الازرق باداة التلوين اللي شكل الجردل و اللي فعلا ترجمة اسمها الحرفية جردل الدهان
زي ما عملنا لما لونا الدايرة احمر في الطبقة التانية

النتيجة هيكون عندنا مستطيل ازرق وراه دائرة حمرا
لان طبقة المستطيل مترتبة فوق طبقة الدائرة
طب جرب اسحب طبقة المستطيل بالماوس و هاتها تحت الطبقة الدائرية




و شوف النتيجة




المستطيل بقى ورا

في الواقع كل طبقة بتتتعامل لوحدها في التعديل
جرب كده هات اداة الاستيكة
الاداة دي عبارة عن فرشة بس بتمسح فهي بتتعامل معاملة الفرش




و اتأكد انك مختار طبقة المستطيل
و بعدين تعالى في النص و امسح خط لتحت بطول الصورة و شوف النتيجة



جرب اختار طبقة الدائرة و امسح خط برضه بالعرض المرة دي من النص
هتلاحظ ان مفيش تغيير الا في الحتة الصغيرة اللي مسحناها لان طبقة المستطيل مغطية الباقي

جرب كمان استخدم الاداتين دول كل مرة على كلا من الطبقتين



الاداة اللي فوق فيهم دي للتحريك جرب حرك كل طبقة منهم بسحبها بالماوس او بالاسهم في الكيبورد و شوف النتيجة و لما تخلص تجربة رجعهم زي ما كانوا
الاداة اللي تحت منهم دي لو دست بيها في اي حتة هتحدد المنطقة بتاعتها و لما تجربها على الطبقتين هتشوف المعنى
عشان ترجع في آخر خطوة عملتها Ctrl + Z دوس

اعتقد ده بكده بينهي الدرس و اللي تضمن بعض اهم اساسيات و بعض برضه الحركات اللذيذة في الفوتوشوب
اتمنى يكون كان درس مفيد

من شبكة الحب





درس عمل بيض مفقوس

دوس على الصورة للذهاب للدرس

اللي هي بتاعت ايقونات البرامج ICOلقيت الاضافاية دي اللي بتخلي الفوتوشوب يعدل و يحفظ ملفات الـ

حمل من هنا رابد شير
Ico-Plugin
او من هنا فور شيرد
Ico-Plugin

لحسن الحظ انها مجانية تماما

طريقة التركيب
افتح الملف المضغوط
ICO.8biو بعدين فك الملف اللي اسمه
File Formatو حطه في فولدر
Pluginsو اللي بدوره جوه فولدر
و اللي بدوره جوه فولدر الفوتوشوب ايا كان المكان اللي حملته فيه

اتضح وجود اختلاف كبير بين عرض المدونة على كلا من موزيلا فيرفوكس و الانترنت اكسبلورر مع وجود كل العيوب في انترنت اكسلبورر
في حين اننا ممكن نقول ان الانترنت اكسبلورر ده متصفح فاشل الا ان الافضل الاعتراف باني مع كتابتي لاول كود سي اس اس ليا كان من المتوقع حدوث الاخطاء و الهنات دي لأني كتبت الكود على الفير فوكس

من اهم الاختلافات دي


رأس الصفحة في فيرفوكس


و في انترنت اكسبلورر 7



ذيل الصفحة في فيرفوكس


ذيل الصفحة في انترنت اكسبلورر 7

و هناك كلام كمان عن عيوب في السايد بار و عرض الدروس بالمقلوب مع مستخدمي انترنت اكسبلورر 6


من جانبنا هنسعى جاهدين لتصحيح هذا الخطأ و لكن في الوقت الراهن للأسف هيكون العرض الافضل للمدونة على فيرفوكس



Download Mozilla Firefox

الحمد لله اخيرا وصلنا لنقطة البدء بعد طول الانتظار و هنكتب الدرس الاول

حبيته يكون درس بسيط في البداية

لقطع الصور Pen tool و هو استخدام الـ
و دي احسن طريقة لقطع اجزاء من صورة

الاول دي الصورة اللي هنستخدمها في الدرس
صورة الممثلة الفتاة داكوتا فاننج .... جبتها من بحث جوجل الصوري



من قائمة الادوات Pen tool هنختار اداة القلم



Path لازم نتأكد بعدها ان تحديد الـ
هتلاقي القائمة دي فوق تحت شريط القوائم



بس الاول لو انت مجربتش اداة القلم قبل كده هتلاقيها ملاوعة حبتين عشان كده جرب اعمل الحركة دي



زي ما شايف هأداة القلم في النقطة 1 و بعدين تدوس عن النقطة 2 و متشيلش ايدك لا كمل سحب بالماوس مع السهم و هتلاقيه القوس ده اترسم
جرب اعمل الحركة دي كزا مرة واسحب عكس اتجاه السهم و اطلع فوق و تحت و شوف ليونة اداة القلم و اللي هنستفيد بيها في القص

هتبدأ دلوقتي نحدد باداة القلم حوالين داكوتا و الاحسن نوسع النافذة و نبدأ من بره الصورة زي ما في الصورة الجاية

Altهنا في الواقع خطوة مهمة جدا و هي بعد ما تاخد انحناء الشكل بسحب النقطة 2 المفروض تدوس على
ده هيخليك تبدأ المنحنى الجديد من النقطة 2 و مش من نقطة نهاية السحبة
لو معملتهاش هيبدأ من نقطة تانية غير 2
بس لو خدت خط مستقيم بدون انحناء متعملش الخطوة دي

من بره path دلوقتي كل اللي ناقص اننا نكمل بنفس الترتيب لحد ما نكمل حوالين داكوتا كلها و نقفل ال



بعدها و انت لسه مختار القلم دوس بيمين الماوس في اي حته في الصورة و اختار من القائمة
Make Selection



صفر Feather radius من النافذة الجديدة اتأكد ان الـ



الصورة دلوقتي هتكون متحدده زي كده



و معدش ناقص غير انك تنسخها او تقصها باستخدام الاختصارات بتاعت الكيبورد
Ctrl+c للنسخ
Ctrl+x للقص

و تفتح ملف جديد من
File >> New
Ctrl+vو تختار الابعاد المناسبه و تلصق الصورة باختصار الكيبورد

بكده الدرس انتهى اتمنى انه يكون واضح و اي سؤال ممكن تسألوه في التعليقات

لو عندك درس عايز تنشره او لو عايز تسيب لينا تعليق او لو عايز تتصل بينا لاي سبب
راسلنا على الايميل ده

ali_korkor@yahoo.com

ممكن تبعت الدرس في ملفات وورد او تبعته مكتوب على الايميل او بأي طريقة تناسبك
و تسيب بياناتك اللي تحب انها تتعرض مع الدرس
بس ياريت الامانة لو هتنقل درس عجبك تقول المكان اللي اتنقل منه

هي خدمة إخبارية مجانية ولايتم احتساب أي رسوم على استخدامه RSS خدمة
هي خدمة جديدة تمكنك من الحصول على آخر الأخبار فور ورودها على المواقع التي قمت بالإشتراك بها في الخدمة. فبدلاً من تصفح المواقع والبحث عن المواضيع الجديدة
فان خدمة التلقيم المبسط تخطرك بما يستجد من أخبار ومواضيع على تلك المواقع فور نشرها. وبالتالي تتيح الخدمة لمنتجي الأخبار ايصال أخبارهم "الأحدث" مباشرة الى المتلقى بدون حاجة هذا الاخير الى زيارة مواقعهم. وتشتمل الأخبار المتلقاة بهذه الطريقة فى أبسط صورها على عنوان الخبر، ومختصر لنص الخبر، ووصلة أو رابط للنص الكامل للخبر على موقع منتج الخبر

من العربية نت

مستخدمي الفاير فوكس

بالضغط على
Subscribe
الموجودة في القائمة فوق

او بالضغط على الايقونة دي في الشريط الجانبي


هتدخل الصفحة دي

و منها تدوس على
Subscribe now
و بكده تكون اشتركت و توصلك المواضيع في المفضلة اول بأول

RSSدي لينكات فيها معلومات اكتر عن الـ

العربية نت
بي بي سي العربية
عربي AFP
ويكيبيديا عربي
ويكيبيديا انجليزي

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit in voluptate velit esse cillum dolore eu fugiat nulla pariatur. Excepteur sint occaecat cupidatat non proident, sunt in culpa qui officia deserunt mollit anim id est laborum.