غيبة طويلة بتسائل معاها ان كان حد لسه بيخش المدونة اساسا
لكن عموما الخبر ده كويس لدرجة انه لازم يتكتب و خلاص

شركة ادوبي العملاقة اعلنت اخيرا عن انها هتصدر ادوبي اكروبات 9 البرنامج المتخصص في قراءة ملفات
PDF ( Portable Document Format )
""الاصدار الاخير من البرنامج كان صدر في 2006 بعد عام تقريبا من شراء ادوبي لخصمها اللدود ماكروميديا و اللي كان بيشتهر بانتاج برنامج الفلاش و من وقتها خرج الاقتراح بادخال فيديوهات الفلاش في ملفات بي دي اف ""
احد المسئولين في ادوبي

الاصدار الجديد من ادوبي هيتميز بامكانية وضع و عرض ملفات الفيديو ذات تقنية الفلاش و دي نفسها الفيديوهات المستخدمه في يو تيوب و المواقع المشابهة ليه و بالتالي من هنا و رايح ملفات بي دي اف هتكون مزودة مش بس بالصور و النصوص لا كمان هيكون فيها فيديو و صوت

و دي صفحة البرنامج في موقع ادوبي لمزيد من المعلومات

انا شخصيا من مستخدمي الادوبي بشكل شبه يومي غالبا لقراءة الكتب ذات امتداد بي دي اف و الخبر ده فعلا نقلة في عالم تبادل المعرفة و المعلومات

ادوبي كمان اطلقت موقع
www.Acrobat.com
و اللي بيقدم خدمات لمستخدمي ملفات بي دي اف منتجين و مستهلكين