أهلا بيكم فى أولى دروسى الفوتو شوبيه وإن شاء الله مش هيكون الأخير
فى البدايه احب ارحب بالأخ على اللى لولاه مكنتش كتبت فى المدونه دى
وثانيا أحب ارحب بأصدقاء المدونه الأعزاء
وأحب اشكر تانى الأخ على لأنه هو اللى معلمنى الدرس ده
نبدأ الدرس
الدرس هو عباره عن :
إزاى تعمل خيال حقيقى فى الفوتو شوب بدل من ال Shadow
اللى ممكن تعمله من ال Blending Options
الخطوه الأولى هنختار الصوره
وأنا اخترت صوره لكارتون محبب ليا

حمل الصورة من هنا
الصورة

الخطوه التانيه إننا نحدد الجسم اللى احنا عايزين نعمله الظل
بأى طريقه من طرق التحديد
ولإنه سهل تحديد الصوره دى فأنا حددتها ب
Magic wand tool
المهم هنوصل فى الأخر لنتيجه واحده وهى

هناخد الجزء ده كوبى ونفتح صوره جديده بأبعاد كبيره شويه

وبعدين نعمل paste للصوره فى الصوره الجديده
ونجيب الصوره لأحد الزوايا علشان يكون فى مساحه يظهر فيها الظل

بعد كده هنعمل
Duplicate layer
Right click > Duplicate layer

بعد كده هنيجى على اللاير الاصليه بتاعتنا
(اللى هى تحت)
Right click > Blending Opions

ومن القايمه هنختار
Color overlay
ونخلى اللون بتاعها أسود

ونعدل الشفافيه بتاعتها
Opacity ) )
ونخليها مثلا 25%

بعد كده معدش باقى لينا غير خطوه واحده وهى إننا نتخيل مصدر اتجاه الضوء على الصوره واللى هيخلى الظل بتاعنا يروح فى الاتجاه المعاكس له (أنا تخيلته إنه جاى من جهه الشمال الغربى )
بعدين هنعمل للاير بتاعتنا
Free transform
وده عن طريق إننا نضغط على
Ctlr+T
وده هيرسملنا مربع على اللاير من خلاله هنتحكم فى مكان الصوره

هنيجى فى أحد الجوانب ونميل الصوره شويه وبعدين نحركها ورا شويه
وهنحصل على الشكل ده

ايه رأيكو بقى
اتمنى يكون الدرس عجبكو واستفدتوا منه ولو القليل
اشكركوا انكم عبرتونى وقريتو الدرس
للتواصل:
www.elmansygenius.blogspot.com


******
شكرا للمنسي على الدرس و ياريت اللي عنده درس يبعته و يحذو حذو المنسي

CS ميزة من المميزات الموجودة في فوتوشوب سي اس
Path يعني من بعد النسخة التامنة هي الكتابة باستخدام الباث
كنا اتكلمنا عنه الباث بصورة مبسطة في درس قطع الصور

الحركة دي سهلة جدا

1-افتح كانفاس جديد كالعاده
2- اختار اداة القلم و ارسم بيها اي شكل انت عايزه يكون متعرج زي كده مثلا

3-اختار اداة الكتابة
4-حرك مؤشر اداة الكتابة على الباث لحد ما شكل المؤشر يتغير من حرف آي حواليه مستطيل منقط الى حرف آي عليه خط بالعرض و كانه مشطوب عليه

لاحظ شكل اداة الكتابة في الصورة
لاحظ كمان ان النقطة اللي هتدوس عليها على الباث هتكون نقطة بدأ الكتابة في العربي و نهاييتها في الانجليزي و عموما انت ممكن تغيرها بعدين
5-هناخد نقطة في اقصى يمين الباث و نكتب اي نص ..... هنا في المثال موجود اسم المدونة و متكرر كذا مره عشان اللي مبيزهقش بسرعة يزهق اخيرا

6-اخيرا جرب اختار واحده من الاداتين دول
Path selection tool
Direct selection tool

و جرب تروح بيهم ناحية الباث تاني و بعدين دوس و خليك دايس و تعالى يمين و شمال و لاحظ ان
نقطة البداية اتغيرت او حتى جرب انزل تحت و لاحظ ان النص هيتقلب رأسا على عقب


انتهى الدرس
كالعاده مرحب بالتعليقات و التجارب

حاجة ناس كتير بتحب او هتحب تعملها

الاول هنجيب الصورة اللي هنجب نغير لون شعرها
انا لقيت الصورة دي ع النت
و هنا انا عايز اشدد اني عانيت في العثور على صورة يكون واضح فيها الشعر و متكونش لسيدة بالغة


هنحدد الشعر المرة دي بطريقة جديدة بتكون كويسة في التعديل و اسرع
هي باستخدام نظام القناع

هندخل نظام القناع Q في قائمة الادوات في الآخر تحت هيكون موجود بس لحسن الحظ بمجرد الضغط على

و بعدها هات فرشة ناعمة و هنا هأوضح حتة في الفرش

الاصفر ده قطر الفرشة زبطة بم يتوازي مع الحتة اللي عايز تلونها
اما الاخضر فده نعومة الفرشة لما يكون صفر فدي انعم فرشة و لما يكون 100% فدي فرشة صلبة
و الفرش اللي في المربع الازرق دي مثال للفرش الصلبة و اللي في مربع احمر مثال للناعمة و اللي هنختار واحد منهم

بعدها لون شعر الفتاة كاملا كالآتي

لو حسيت انك زودت حتة بالغلط امسحها بالاستيكة و يا ريت تاخد بالك متلونش الحتة من فروة الراس اللي في مفرق الشعر

تاني و هتلاقي ان المنطقة بتاعت الشعر اتحددت Q و لما تخلص دوس
خليها متحددة زي ما هي و اعمل طبقة جديدة

و اختار لون مناسب نلون بيه الشعر

و ليكن البني ده

و اعمل الاختيارات اللي في الصورة Edit >> Fill بعدها ادخل


Soft Light و اختار من انظمة دمج الطبقات


و النتيجة النهائية


او لو كنت اخترت لون تاني زي الازرق الغامق كانت بقت كده


يا ريت اللي يقرر يعمل الدرس يرفع النتيجة اللي وصلها على امج شاك و يعرضها في التعليقات
خصوصا لو حد غير لون شعر هيفاء وهبي

ردود افعال كتير جت بعد الدرس الاول اهمها اللي طلب البداية من بدري شوية و الآخر اللي انتقد الطريقة بتاعت القص اللي كانت في الدرس
بخصوص طريقة القص فتقريبا كل حاجة في الفوتوشوب ليها اكتر من طريقة تتعمل بيها
و معتقدش ان حد يقدر يقول دي الصح و دي الغلط .... كل واحد ممكن يستخدم الطريقة اللي تعجبه و اللي يشوف انها الافضل ليه
طريقة القلم هي الانعم و الافضل و الاكثر احترافية من وجهة نظر اغلبية جمهور الفوتوشوب على حد علمي
Lasso لكن طريقة اداة الـ
او الاستيكة و اللي في الواقع احيانا لابد منها كلها طرق حية ترزق و اكيد هنأتي على ذكرها في المستقبل

كده نبدأ الدرس و اللي بيتعرض لاهم اساسيات الفوتوشوب تقريبا و هي الطبقات ....... تقريبا الحاجة اللي بتفرق الفوتوشوب عن برنامج الرسام

File >> New الاول كده نفتح ملف جديد من



و نعمل الخيارات دي و عايز هنا اوضح ان الريزوليوشن ( الدقة ) اللي اخترناها هنا 72 هي دي الدقة المستخدمة في الجرافكس على النت عادة و الاختيار التاني الاكثر تكررا هو 300 و ده بيتعمل عادة للحصول على جودة اكبر بس مشكلة المساحة بتخلي الناس تبعد عن انهم يستخدموه في الجرافكس في الانترنت
Transparent كمان الاختيار اللي تحت
و اللي كما يتضح من اسه بيخلي الكانفاس باديء شفاف و ده بيظهر بالمربعات الرصاصي في ابيض اللي هتظهر في الكانفاس لما يتعمل ( ممكن تغير المربعات دي لالوان تانية من الاوبشنز بس دي قصة تانية ) هنختاره عشان نكون بادئين على نضيف



ندخل بقى الكانفاس


المنظر ده واضح فيه الملف الكانفاس المفتوح و نافذة الطبقات اللي على اليمين تحت و واضح فيها طبقة واحدة بس و فاضية

اول حاجة هنرسم دايرة في الطبقة دي لونها احمر كالآتي
نختار اداة التحديد الدائرية دي

ايه يا جدع انت الاشتغالات دي ؟ الاداة دي مش عندي
هيكون موجود مكانها غالبا اداة التحديد المربعة خليك دايس عليها كانك بتختارها و هيطلعلك قائمة فيها اربع ادوات ...... الاداة الدائرية هي التانية


و نرسم الدايرة زي الصورة دي باننا ندوس و نسحب بالماوس

و بعدين نختار الاداة رقم 1 في الصورة الجاية و بعدين نغير اللون من لوحة الالوان اللي هتطلع لما نختار ندوس على المربع رقم 2 اللي لونه احمر في الصورة بس غالبا هيكون لونه مختلف عندكم و دي فرصة اقولكم ان اللون اللي فوق ده اسمه لون الواجهة و اللي تحت ده اسمه لون الخلفية و هنحتاجهم لما نعمل تدرج او في بعض الفلاتر و ان شاء الله قريب هنتكلم عنهم

هنيجي باداة جردل الالوان و هندوس على اي حتة جوه التحديد المدوراللي عملناه و هتطلع الدائرة الحمرا و بعدها ندوس من القوائم
عشان نلغي التحديد Select >> Deselect
و النتيجة دي



دلوقتي عايزين نعمل طبقة تانية و الافضل تكون مختلفة المرة دي
نخليها طبقة تكست او نص
هنختارها و هنعمل بيها مربع زي ما عملنا الدائرة باداة التحديد من شوية T في قائمة الادوات اداة شكل حرف
و ممكن نغير الخط من فوق مكان رقم 14 بنوعة و حجمه زي ما في اي برنامج وورد Photoshop و نكتب جواها كلمة


بعد كده هنلاحظ ان اسم الطبقة بقى على اسم الكلام جواها اوتوماتيك و هنلاحظ كمان ان الطبقة دي غير الطبقة اللي التانية لان رمزها على شكل حرف تي
في الواقع طبقات التكست مختلفة كتير عن اختها العادية لان تعديلها محدود جدا لكن احنا ممكن بسهولة نحولها لطبقة عادية بس دي قصة تانية لاحظ الصورة


اعتقد ان الوقت ملائم دلوقتي نشرح نافذة الطقبات دي ايه ظروفها


رقم 1 ده اللي بيمسح اي طبقة او مجموعة طبقات ( تقدر تختار مجموعة طبقات بانك تفضل دايس كنترول على الكيبورد و انت بتختارهم )زي الايقونات و انت بتتصفح الهارد
رقم 2 ده بيعمل طبقة جديدة
رقم 3 ده بيعمل مجموعة جديدة ..... سنأتي على ذكرها لاحقا
رقم 4 و 5 دول بيعملوا طبقات الوان و طبقات ماسك على الترتيب ..... انا معرفش ليهم استخدام مميزين ليه بصراحة لو حد يعرف يكتب في الكومنتات عشان احطه
رقم 6 ده اللي بيعمل الستايل و دي التأثيرات اللي من طمنها الظل و الاشعاع و دي من اهم الاماكن في فوتوشوب و مع كل درس هنكتشف حاجات جديدة فيهم ان شاء الله
رقم 7 بيربط طبقتين مع بعض بحيث يتحركوا و يتعملهم تحويل مع بعض
رقم 8 ده نظام الدمج و ده برضه مهم زي الستايل و ان كان اقل استخداما
رقم 9 دي ايقونة الظهور و دي لو دست عليها العين دي هتختفي و تختفي معاها الطبقة

نكمل بقى الدرس و نرجع للي كنا بنعمله

دلوقتي روح امسح طبقة الكتابة
من الطريقة الموجودة في الصورة اللي فوق
او انك تعمل ضغطة بيمين الماوس على اسم الطبقة و تختار ديليت

و بعدين اعمل طبقة جديدة و برضه الطريقة في الصورة اللي فوق

المرة دي عايزين نعمل في الطبقة دي مستطيل
هنختار اداة التحديد المستطيلة وبنفس الطريقة اللي اخترنا بيها اختها المدورة
و نحاول نعمل شكل زي الصورة دي



بعدها نملأ التحديد ده باللون الازرق باداة التلوين اللي شكل الجردل و اللي فعلا ترجمة اسمها الحرفية جردل الدهان
زي ما عملنا لما لونا الدايرة احمر في الطبقة التانية

النتيجة هيكون عندنا مستطيل ازرق وراه دائرة حمرا
لان طبقة المستطيل مترتبة فوق طبقة الدائرة
طب جرب اسحب طبقة المستطيل بالماوس و هاتها تحت الطبقة الدائرية




و شوف النتيجة




المستطيل بقى ورا

في الواقع كل طبقة بتتتعامل لوحدها في التعديل
جرب كده هات اداة الاستيكة
الاداة دي عبارة عن فرشة بس بتمسح فهي بتتعامل معاملة الفرش




و اتأكد انك مختار طبقة المستطيل
و بعدين تعالى في النص و امسح خط لتحت بطول الصورة و شوف النتيجة



جرب اختار طبقة الدائرة و امسح خط برضه بالعرض المرة دي من النص
هتلاحظ ان مفيش تغيير الا في الحتة الصغيرة اللي مسحناها لان طبقة المستطيل مغطية الباقي

جرب كمان استخدم الاداتين دول كل مرة على كلا من الطبقتين



الاداة اللي فوق فيهم دي للتحريك جرب حرك كل طبقة منهم بسحبها بالماوس او بالاسهم في الكيبورد و شوف النتيجة و لما تخلص تجربة رجعهم زي ما كانوا
الاداة اللي تحت منهم دي لو دست بيها في اي حتة هتحدد المنطقة بتاعتها و لما تجربها على الطبقتين هتشوف المعنى
عشان ترجع في آخر خطوة عملتها Ctrl + Z دوس

اعتقد ده بكده بينهي الدرس و اللي تضمن بعض اهم اساسيات و بعض برضه الحركات اللذيذة في الفوتوشوب
اتمنى يكون كان درس مفيد

الحمد لله اخيرا وصلنا لنقطة البدء بعد طول الانتظار و هنكتب الدرس الاول

حبيته يكون درس بسيط في البداية

لقطع الصور Pen tool و هو استخدام الـ
و دي احسن طريقة لقطع اجزاء من صورة

الاول دي الصورة اللي هنستخدمها في الدرس
صورة الممثلة الفتاة داكوتا فاننج .... جبتها من بحث جوجل الصوري



من قائمة الادوات Pen tool هنختار اداة القلم



Path لازم نتأكد بعدها ان تحديد الـ
هتلاقي القائمة دي فوق تحت شريط القوائم



بس الاول لو انت مجربتش اداة القلم قبل كده هتلاقيها ملاوعة حبتين عشان كده جرب اعمل الحركة دي



زي ما شايف هأداة القلم في النقطة 1 و بعدين تدوس عن النقطة 2 و متشيلش ايدك لا كمل سحب بالماوس مع السهم و هتلاقيه القوس ده اترسم
جرب اعمل الحركة دي كزا مرة واسحب عكس اتجاه السهم و اطلع فوق و تحت و شوف ليونة اداة القلم و اللي هنستفيد بيها في القص

هتبدأ دلوقتي نحدد باداة القلم حوالين داكوتا و الاحسن نوسع النافذة و نبدأ من بره الصورة زي ما في الصورة الجاية

Altهنا في الواقع خطوة مهمة جدا و هي بعد ما تاخد انحناء الشكل بسحب النقطة 2 المفروض تدوس على
ده هيخليك تبدأ المنحنى الجديد من النقطة 2 و مش من نقطة نهاية السحبة
لو معملتهاش هيبدأ من نقطة تانية غير 2
بس لو خدت خط مستقيم بدون انحناء متعملش الخطوة دي

من بره path دلوقتي كل اللي ناقص اننا نكمل بنفس الترتيب لحد ما نكمل حوالين داكوتا كلها و نقفل ال



بعدها و انت لسه مختار القلم دوس بيمين الماوس في اي حته في الصورة و اختار من القائمة
Make Selection



صفر Feather radius من النافذة الجديدة اتأكد ان الـ



الصورة دلوقتي هتكون متحدده زي كده



و معدش ناقص غير انك تنسخها او تقصها باستخدام الاختصارات بتاعت الكيبورد
Ctrl+c للنسخ
Ctrl+x للقص

و تفتح ملف جديد من
File >> New
Ctrl+vو تختار الابعاد المناسبه و تلصق الصورة باختصار الكيبورد

بكده الدرس انتهى اتمنى انه يكون واضح و اي سؤال ممكن تسألوه في التعليقات